హైదరాబాద్, వెలుగు: రాష్ట్రంలోని ఇంటర్మీడియెట్ ఫస్టియర్ లో చేరే విద్యార్థులకు ఇంటర్ బోర్డు మరో అవకాశం కల్పించింది. ఈ నెల 11,12వ తేదీల్లో ప్రవేశాలు చేసుకోవచ్చని, దీనికి అనుగుణంగా ఆన్లైన్ పోర్టల్ ఓపెన్ చేస్తామని ఇంటర్ బోర్డు సెక్రటరీ కృష్ణ ఆదిత్య తెలిపారు. ఈ మేరకు బుధవారం ఒక ప్రకటన రిలీజ్ చేశారు. ప్రైవేటు, గవర్నమెంట్ కాలేజీల్లోనూ ఈ అవకాశం సద్వినియోగం చేసుకోవాలని సూచించారు.
అయితే, ప్రైవేటు కాలేజీల్లో ఒక్కో అడ్మిషన్కు రూ.500 ఫైన్ చెల్లించాల్సి ఉంటుందని, సర్కారులో ఎలాంటి డబ్బులు చెల్లించాల్సిన అవసరం లేదని వెల్లడించారు. ఇప్పటికే ఇచ్చిన వివరాల్లో తప్పుల సవరణకూ చాన్స్ ఉందని చెప్పారు. గుర్తింపు ఉన్న కాలేజీల్లోనే పేరెంట్స్ అడ్మిషన్లు తీసుకోవాలని, వివరాలను ఇంటర్ బోర్డు వెబ్ సైట్లో పెట్టామని పేర్కొన్నారు.
